F. Sbordone


Μῦθος ὁ τῶν ἀλεκτρυόνων μετριάζειν παραινῶν ἐν τοῖς εὐτυχήμασιν



Download 125.92 Kb.
Page9/17
Date16.10.2022
Size125.92 Kb.
#87979
1   ...   5   6   7   8   9   10   11   12   ...   17
Aftonio,websites, fabulas
Μῦθος ὁ τῶν ἀλεκτρυόνων μετριάζειν παραινῶν ἐν τοῖς εὐτυχήμασιν.

Ἀλεκτρυόνες συμπεσόντες ἀλλήλοις, ὡς νόμος εἶχεν, ἐμάχοντο, καὶ ὁ μὲν νικηθείς, κλίνῃ ὑποδύς, ἀπεκρύπτετο: ὁ δὲ νενικηκὼς ἐπί στέγης ἀρθείς, ἀνέκραγε μέγιστον τὴν νίκην καὶ κατάδηλον ἐξ ὀργῆς ἐργαζόμενος διετέλει. καὶ δῆτα καταπτὰς ἀετὸς τοῦτον ἁρπάζει λαβών.


Νίκης ἀσφάλεια μετριότης φρονήματος.

F. Sbordone, Rivista Indo-Greco-Italica, 16 (1932), pp. 47-57.
Aphthonius 13 = Perry 549
Μῦθος ὁ τοῦ ἵππου παραινῶν σκοπεῖν τὰ ἀνθρώπινα.
Ἴππον ἐλύπει τὸ γῆρας, καὶ μυλῶν' ἀντὶ μάχης ἐλάμβανεν. ὡς δὲ ἀλήθειν ἀντὶ τοῦ πολεμεῖν ἠναγκάζετο, τὴν παροῦσαν ἐδάκρυε τύχην, τῆς δὲ πρώτης ἐμέμνητο: << ἐμοί - λέγων - ὦ μυλωρέ, στρατεύεσθαι μὲν ὑπῆρχε τὸ πρότερον, κόσμος δὲ παντὶ περιέκειτο σώματι, καὶ θεραπεύων παρηκολούθει τις ἄνθρωπος: νῦν δὲ οὐκ οἶδ' ὅ τι παθών, ἀντιλαμβάνω τὸν μυλῶνα τῆς μάχης. >> καὶ ὁ μυλωρὸς πρὸς αὐτόν: << ἐπίσχες - ἔφη - τὰ πάλαι θρυλῶν. >>
Ἡ τύχη γὰρ θνητοῖς τὴν ἐφ' ἑκάτερα φέρειν οἶδε μεταβολήν.

F. Sbordone, Rivista Indo-Greco-Italica, 16 (1932), pp. 47-57.
Aphthonius 14 = Perry 194
Μῦθος ὁ τοῦ πελαργοῦ παραινῶν μὴ συνεῖναι κακοῖς.
Γεωργὸν ἠδίκουν οἱ γέρανοι τὰ καταβαλλόμενα τῇ γῇ προαρπάζοντες σπέρματα. πελαργὸς δέ τις τοῖς γεράνοις συνῆν, τῆς μὲν διατριβῆς κοινωνῶν, τῆς δὲ βλάβης οὐ μετασχών. ἀπειπὼν δὲ πυρῶν τὴν βλάβην ὁ γεωργός, βρόχους στησάμενος, μετὰ τῶν γεράνων εἶλε τὸν πελαργόν, καὶ δίκην ὑπείχεν ὧν οὐδὲν προηδίκησεν.
Ὁ συνὼν πονηροῖς τὴν αὐτὴν αὐτοῖς ὑποστήσεται δίκην.

F. Sbordone, Rivista Indo-Greco-Italica, 16 (1932), pp. 47-57.
Aphthonius 15 = Perry 117
Μῦθος ὁ τῆς καμήλου τὴν ἐπιθυμίαν κακίζων τοῦ πλείονος.
Εἶδεν εἰς ταῦρον ἡ κάμηλος καὶ κεράτων ἐπεθύμει μεταλαβεῖν. προσελθοῦσα οὖν τῷ Διί, κέρως ᾔτει τυχεῖν: ὁ δὲ τῆς ἀπληστίας μισήσας, Ἑρμῇ κελεύει προσαφελέσθαι τῶν ὤτων, ὅθεν καμήλῳ ταῦτα τοῦ λοιποῦ καταδεέστερα σώματος.
Ὁ πλειόνων ἐρῶν καὶ τῶν προσόντων ἀποστερεῖται.

F. Sbordone, Rivista Indo-Greco-Italica, 16 (1932), pp. 47-57.
Aphthonius 16 = Perry 372

Download 125.92 Kb.

Share with your friends:
1   ...   5   6   7   8   9   10   11   12   ...   17




The database is protected by copyright ©sckool.org 2022
send message

    Main page